爭做「執政黨」
去年敗選區議會的中文大學地理與資源管理學系副教授姚松炎，上月放棄中大續約，為考慮出選九月立法會做好準備，「都知道立法會工作係非常沉重，如果真心真意全力做議員，基本上必須全職工作，所以喺呢個時候想向選民清楚交代，我係考慮全力參選。」這叫做破釜沉舟。
姚松炎明言非建制派要拉闊戰線，重奪立會過半議席，以取代建制派成為「執政黨」，「你見到政府好依賴議會大多數，佢哋夠膽到將民生議題推到最後，將最具爭議、就係要贏你嘅放喺最前，然後迫令你為咗第一個議題，而犧牲晒後面民生嘅議題……另外一種大家都非常憤慨，就係財委會以至其他會議，透過爭奪主席位置，喺主席嘅特權下剪布或非常醜陋地去終止一個討論。」
Search